Castellano
Detalle trámite
Neste trámite poderase presentar a solicitude para participar no proceso selectivo para a formación dunha bolsa de auxiliares administrativos para o servizo de xestión tributaria que permita a cobertura interina prevista no artigo 10.1 do Real Decreto Lexislativo 5/2015, do 30 de outubro, polo que se aproba o texto refundido da Lei do estatuto básico do empregado público.
Para participar no proceso selectivo, as persoas aspirantes deben cumprir os seguintes requisitos:
- Ter a nacionalidade española ou algunha outra que, de acordo co disposto no artigo 52 da Lei 2/2015, do 29 de abril, do Emprego Público de Galicia, permita o acceso ao emprego público.
- Ter cumpridos dezaseis anos e non exceder, de ser o caso, da idade de xubilación forzosa prevista na normativa vixente.
- Estar en posesión ou en condición de obter, antes da finalización do prazo de presentación de instancias, a titulación de educación secundaria obrigatoria ou equivalente.
- Posuír as capacidades e aptitudes físicas e psíquicas que sexan necesarias para o desempeño das correspondentes funcións ou tarefas.
- Non ter sido separado/a, mediante expediente disciplinario do servizo das Administracións Públicas, nin atoparse inhabilitado/a para empregos ou cargos públicos por resolución xudicial, para o acceso ao corpo ou escala de funcionario. No caso de ser nacional de outro Estado, non atoparse inhabilitado ou en situación equivalente nin haber sido sometido a sanción disciplinaria ou equivalente que impida, no seu Estado, nos mesmos termos o acceso ao emprego público.
- Non estar incurso en ningún dos supostos de incompatibilidade previstos na Lei 53/1984, de 24 de decembro.
- Estar en posesión do título acreditativo de nivel de coñecemento da lingua Galega Celga 3 ou equivalente. As persoas aspirantes que non acrediten estar en posesión do Celga 3 ou equivalente deberán facer unha proba de acreditación do coñecemento da lingua galega.
- No Rexistro Xeral do Concello de Vedra en horario de 9:00 a 13:00 horas de luns a venres.
- Por medios electrónicos, a través do rexistro na sede electrónica do Concello de Vedra (sede electrónica-Emprego público e recursos humanos-Convocatoria bolsa auxiliares administrativos).
- Por calquera das restantes formas previstas no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas.
O prazo de presentación de solicitudes será de cinco (5) días hábiles contados a partir do día seguinte ao da publicación do anuncio da presente convocatoria no Boletín Oficial da Provincia.
- Modelo de solicitude de participación que figura como ANEXO II.
- Fotocopia simple do DNI, NIE, ou pasaporte.
- Fotocopia simple do título/certificado acreditativo do CELGA 3 ou equivalente aos efectos de quedar eximidos da realización da proba de coñecemento da lingua galega.
- Documentación acreditativa para a valoración da fase de concurso de conformidade co disposto na base 7.1 B).
- Aquelas persoas aspirantes con grao de discapacidade igual ou superior ao 33 por cento poderán solicitar a adaptación e axustes necesarios de tempo e medios para a realización das probas para asegurar a súa participación en condiciones de igualdade de conformidade co disposto na Orde PJC/804/2025 do 23 de xullo, pola que se establecen criterios xerais para a adaptación de medios e tempos e a realización doutros axustes razoables nos procesos selectivos para o acceso ao emprego público de persoas con discapacidade. Neste suposto, deberá achegarse como documentación:
- Certificado de discapacidade expedido polo órgano competente.
- Adaptacións concretas que se solicitan.
- Bases.
- Extracto.
- Ordenanza fiscal núm. 6, reguladora da taxa por expedición de documentos administrativos.
-
Lei 2/2015, do 29 de abril, do emplego público de Galicia
-
Lei 7/1985, de 2 de abril, reguladora das Bases de Réxime Local
-
Real Decreto Lexislativo 781/1986, de 18 de abril, polo que se aproba o texto refundido das disposicións legais vixentes en materia de réxime local
-
Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público
-
Real Decreto 896/1991, do 7 de xuño, polo que se establecen as regras básicas e os programas mínimos a que debe axustarse o procedemento de selección dos funcionarios de administración local.
Nome: Convocatoria proceso selectivo dunha bolsa de Auxiliares Administrativos Servizo Xestión Tributaria.
Unidade tramitadora: Secretaría.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio positivo.
Prazo de resolución: 6 meses.
Recurso aplicable: Potestativo de reposición / Contencioso - administrativo.
Taxas/impostos: Consultar as bases da convocatoria.
Canles de atención: Telemático (Iniciar trámite).
Presencial.
