Castellano
Detalle trámite
Non hai convocatorias abertas actualmente
O obxecto das presentes bases é regular a convocatoria pública para a concesión de axudas de estudos destinadas a favorecer a escolarización pública e formación universitaria e profesional en familias do Concello de Vedra.
As bolsas de estudos teñen dúas modalidades:
- Axuda ao ensino: Destinada á adquisición de material escolar. O contido desta axuda especifícase no Anexo II das presentes bases reguladoras.
- Axuda ao transporte: Destinada ao uso de transporte para acudir ao centro de ensino correspondente.
Estas axudas enmárcanse dentro do Plan estratéxico de subvencións (PES) do Concello de Vedra para o período 2024/2026 (BOP A Coruña núm. 4, do 04.01.2024), concretamente, no artigo 8, liña estratéxica 1 “Asistencia Social”, apartado 1.4. “Material escolar e transporte”.
Para ser persoa beneficiaria desta axuda é preciso cumprir os seguintes requisitos:
- Cursar estudos nalgún dos seguintes centros de ensino para os que se solicita a axuda.
- No suposto de que o alumnado curse dous o máis tipos de estudos oficiais, deberá
escoller para cal deles solicita a axuda:- INFANTIL E PRIMARIA: Todos os centros públicos do Concello de Vedra.
- ESO: CPI de Vedra.
- Formación Profesional: Calquera centro público de Galicia.
- BACHARELATO: Calquera centro público de Galicia.
- UNIVERSITARIOS: Calquera universidade pública galega, agás que a titulación que estude non exista no Sistema Universitario Galego.
- ENSINANZAS DE RÉXIME ESPECIAL-ENSINANZAS ARTÍSTICAS SUPERIORES: Calquera centro galego.
- O alumnado con necesidades educativas especiais impidan a súa escolarización
nun centro ordinario do municipio, poderá solicitar a axuda para a asistencia a
un centro de educación especial de Galicia.
- A idade do alumnado estará entre os 3 e os 25 anos, ambos incluídos.
- Que a renda per cápita non supere os límites establecidos na base 6ª da presente
convocatoria. - A persoa solicitante e a persoa beneficiaria da axuda deberán estar empadroado/a no
Concello de Vedra no momento de presentación da solicitude e ser fillo/a dependente
economicamente. - No caso de que a persoa solicitante sexa menor de 25 anos e desenvolva actividade laboral ou perciba outros ingresos, poderá acceder a esta axuda, a tal efecto computaránselle ditos ingresos ao 50%.
- Cumprir os requisitos para obter a condición de persoa beneficiaria, recollidos nos
artigos 13 da Lei 38/2003, do 17 de novembro, xeral de subvencións e no artigo 10 da
Lei 9/2007, do 13 de xuño, de subvencións de Galicia. - As axudas serán solicitadas polos representantes legais do alumnado: os pais/nais,
titores/as e representantes legais. No caso de alumnado de entre 18 e 25 anos poderán
facelo tamén as propias persoas beneficiarias. - Poderán ser persoas beneficiarias da axuda de transporte os estudantes que non conten
con transporte gratuíto aos seus centros de ensino e os que non reúnen as condicións
necesarias para ser bonificados pola tarxeta de transporte metropolitano nin para ser
titulares da tarxeta xente nova para menores de 21 anos. - Para poder acceder a este tipo de axuda a persoa interesada deberá declarar responsablemente non reunir as condicións para ser beneficiaria do transporte bonificado e non dispoñer de transporte escolar gratuíto, mediante a sinalización deste extremo e firma na declaración responsable recollida no Anexo I.
- O alumnado que pode acceder á axuda ao transporte deberá cursar
algunha das seguintes ensinanzas:- Formación Profesional.
- Bacharelato.
- Estudos universitarios.
- Ensinanzas de réxime especial.
As solicitudes e documentación poderanse presentar nalgún dos seguintes lugares:
- Sede electrónica do Concello de Vedra: https://sede.vedra.es/sxc/gl/index.html.
- Rexistro xeral do Concello de Vedra, de luns a venres, en horario de atención ao público (de 9:00 a 14:00 horas).
- En calquera dos lugares previstos no artigo 16.4 da Lei 39/2015, de 1 de outubro, do procedemento administrativo común das administracións públicas (en adiante, LPACAP).
O prazo de presentación de solicitudes será do 18 de outubro ata o 15 de novembro de 2024.
- Anexo I - Solicitude.
- Libro de familia no que figuren todos os membros da unidade familiar.
- Declaración da renda do exercicio fiscal 2023 das persoas proxenitoras ou titores/as legais e das persoas beneficiarias en caso de estudantes de entre 18 e 25 anos.
- No caso de non estar obrigados/as a presentar a declaración do IRPF, certificado de imputacións de IRPF.
- Certificado ou xustificante da matrícula expedido polo centro educativo ou resgardo de ter pagada a matrícula co selo bancario.
- De ser o caso, certificado que acredite a situación de dependencia dalgún membro da unidade familiar.
- De ser o caso, informe de períodos de inscricións do Servizo Público de Emprego de Galicia que acredite a situación de desemprego por un período superior a 6 meses durante o ano 2024 dalgún membro da unidade familiar.
- De ser o caso, certificado de familia monoparental emitido pola Xunta de Galicia.
- De ser o caso, documentación xustificativa de ausencia de ambos os dous proxenitores.
- Sentenza de separación ou divorcio e convenio regulador.
- Facturas orixinais ou copia cotexada das compras de material escolar.
- Xustificante de titularidade de conta bancaria da persoa solicitante.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de axudas para o ensino e o transporte do curso escolar 2024-25.
Unidade tramitadora: Intervención.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio positivo.
Prazo de execución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Non aplica.
Canles de atención: Telemático (Iniciar trámite)
Presencial.
